سیاسەتی تایبەتمەندێتیی بازاڕگەریی Workplace
کاریگەرە لە ١٠ی تشرینی یەکەمی ٢٠٢٣
خشتەی ناوەڕۆک
- زانیارییە یاساییەکان
- ئەو زانیارییانەی کۆیان دەکەینەوە
- چۆن زانیارییەکانت پێواژۆ دەکەین
- ئەو زانیارییانەی هاوبەشی دەکەین
- چۆن مافەکانت پیادە دەکەیت
- هێشتنەوەی زانیارییەکانت
- کارکردنە جیهانییەکانمان
- بنەما یاساییەکانمان بۆ پڕۆسێسکردن
- نوێکردنەوەکانی سیاسەتی تایبەتمەندێتی
- کێ بەرپرسیارە لە زانیارییەکانت
- پەیوەندیمان پێوە بکە
1. زانیارییە یاساییەکان
ئەم سیاسەتی تایبەتمەندێتییە («سیاسەتی تایبەتمەندێتی») پیادەکردنەکانی داتای ئێمە ڕوون دەکاتەوە پەیوەست بە دابینکردنی ماڵپەڕەکانمانەوە، لە نێویاندا workplace.com («ماڵپەڕەکان») (کە جیایە لە خزمەتگوزارییەکانی Workplace)، هەروەها چالاکییەکانمان لەسەر بنەمای بازاڕگەری و فیدباک (پێکەوە «چالاکییەکان»). لەم سیاسەتی تایبەتمەندێتییەدا، ئێمە باسی ئەو زانیارییانە دەکەین کە ئێمە دەربارەی تۆ کۆیان دەکەینەوە پەیوەست بە ماڵپەڕ و چالاکییەکانمانەوە. پاشان ئەوە ڕوون دەکەینەوە کە چۆن ئەم زانیارییانە پێواژۆ و هاوبەش دەکەین و چۆن تۆ دەتوانیت ئەو مافانەت پیادە بکەیت کە ڕەنگە هەتبن.
«Meta»، «ئێمە»، «هیی ئێمە»، «خۆمان» واتە ئەو لایەنەی Meta کە بەرپرسە لە کۆکردنەوە و بەکارهێنانی داتای کەسی بەپێی ئەم سیاسەتی تایبەتمەندێتییە کە خراوەتە ڕوو لە «کێ بەرپرسیارە لە زانیارییەکانت».
خزمەتگوزارییەکانی Workplace: ئەم سیاسەتی تایبەتمەندێتییە پیادە نابێت بەسەر بەکارهێنانتدا بۆ بەرهەمی Workplaceـی سەرهێڵ کە ئێمە بۆ بەکاربەرانی دابین دەکەین، کە ڕێگە دەداتە بەکارهێنەران تا لە سەر کار هەماهەنگی بکەن و زانیاری هاوبەش بکەن، لە نێویاندا بەرهەم، ئەپ و خزمەتگوزارییە سەرهێڵە پەیوەندیدارەکانی Workplace (پێکەوە «خزمەتگوزارییەکانی Workplace») بەکارهێنانی تۆ بۆ خزمەتگوزارییەکانی Workplace بەپێی «سیاسەتی تایبەتمەندێتیی Workplace» بەڕێوە دەچێت کە دەکرێت لێرە ببینرێت.
2. ئەو زانیارییانەی کۆیان دەکەینەوە
ئێمە ئەم زانیارییانە خوارەوە دەربارەی تۆ کۆ دەکەینەوە:
زانیارییەکانی پەیوەندیکردنت. ئێمە ناونیشانی ئیمەیڵ و زانیارییە سەرەتاییەکانت وەک ناو، ناونیشانی کار، ناوی ڕێکخراو و ژمارە تەلەفۆنت کۆ دەکەینەوە کاتێک تۆ، بۆ نموونە، داوای زانیاری دەکەیت پەیوەست بە بەرهەمەکانمان، لەوانە Workplace، سەرچاوەکان دادەگریت، ناو تۆمار دەکەیت بۆ کەرەستەکانی بازاڕگەری، داوای تاقیکردنەوەیەکی بێبەرامبەر دەکەیت یان بەشداریی یەکێک لە بۆنە یان کۆنفرانسەکانمان دەکەیت. ئەگەر تۆ ئەم زانیارییە بۆ ئێمە دابین نەکەیت، ئەوا ناتوانیت هەژمارێک دروست بکەیت بۆ دەستکردن بە تاقیکردنەوەی بێبەرامبەری Workplace، بۆ نموونە. ئەگەر تۆ بەڕێوەبەری هەژماری ڕێکخراوەکەتیت، ئێمە زانیارییەکانی پەیوەندیکردنت کۆ دەکەینەوە کاتێک کە ڕازی دەبیت بە وەرگرتنی پەیوەندیکردنە ئەلیکترۆنییەکانی پەیوەست بە بازاڕگەرییەوە لە ئێمەوە.
ئەو زانیارییانەی تۆ دەیدەیت بە ئێمە. کاتێک تۆ پەیوەندی بە ئێمەوە دەکەیت، ڕەنگە زانیاریی دیکە بدەیت بە ئێمە. جۆری زانیارییەکە دەکەوێتە سەر ئەوەی کە تۆ بۆچی پەیوەندیمان پێوە دەکەیەت. بۆ نموونە، ئەگەر کێشەیەکت هەبێت پەیوەست بە بەکارهێنانت بۆ ماڵپەڕەکانمان، ڕەنگە ئەو زانیارییانەمان بدەیتێ کە پێت وایە هاوکارن بۆ مامەڵەکردن لەگەڵ کێشەکەتدا، لەگەڵ وردەکاریی ئەوەی چۆن پەیوەندیت پێوە بکرێت (بۆ نموونە، ناونیشانێکی ئیمەیڵ). بۆ نموونە، ڕەنگە ئیمەیڵێکمان بۆ بنێریت کە زانیاری تێدایە پەیوەست بە ئاستی کارکردنی ماڵپەڕەکەمان یان کێشەکانی دیکەوە. هاوشێوەی ئەوە، ئەگەر تۆ داوای زانیاری لە ئێمە بکەیت دەربارەی خزمەتگوزارییەکانی Workplace، بۆ نموونە، ڕەنگە شوێنی کارکردنت یان زانیاریی دیکەمان پێ بڵێت بۆ هاوکاریکردنمان لە وەڵامدانەوەی پرسینەکەتدا.
زانیارییەکانی ڕاپرسی و فیدباک. هەروەها ئێمە زانیاری دەرباری تۆ کۆ دەکەینەوە کاتێک تۆ ئاره‌زوومه‌ندانه بەشداری لە یەکێک لە پانێڵەکانی ڕاپرسی یان فیدباکی ئێمەدا دەکەیت. بۆ نموونە، ئێمە لەگەڵ ئەو دابینکارانەی خزمەتگوزاریی لایەنی سێیەمدا کار دەکەین کە پانێڵەکانی ڕاپرسی و فیدباک بۆ ئێمە ئەنجام دەدەن، وەک میوانداریکردنی کۆمەڵگەیەکی ڕاژەخوازانی Workplace کە ئەوەیان هەڵبژاردووە ببنە بەشێک لە پانێڵێکی فیدباک. ئەم کۆمپانیایانە ئەو زانیارییانەمان پێ دەدەن کە دەربارەی تۆ کۆیان کردۆتەوە لە هەلومەرجی دیاریکراودا، لەوانە تەمەنت، جێندەرت، ئیمەیڵت، وردەکارییەکان دەربارەی ئەرکیی بازرگانیت و ڕێگاکانی بەکارهێنانی تۆ بۆ بەرهەمەکانمان، هەروەها ئەو فیدباکەی کە دابینی دەکەیت.
زانیارییەکانی بەکارهێنان و تۆمار. ئێمە زانیارییەکان دەربارەی چالاکییەکانت لەسەر ماڵپەڕەکانمان کۆ دەکەینەوە، وەک زانیارییەکانی پەیوەست بە خزمەتگوزاری، دەسنیشانکردن، هەروەها ئاستی کارکردنەوە. ئەمە زانیارییەکان دەگرێتەوە دەربارەی چالاکییەکانت (لە نێویاندا ئەوەی تۆ چۆن ماڵپەڕەکەمان بەکار دەهێنیت و کاتی، ڕێژە و ماوەی چالاکییەکانت)، فایلەکانی تۆمار، دیاریکردنەکان، تێکشکان، ماڵپەڕ، تۆمار و ڕاپۆرتەکانی ئاستی کارکردن.
زانیارییەکانی ئامێر و پەیوەستبوون. ئێمە زانیارییەکانی ئامێر و تایبەت بە پەیوەستبوون کۆ دەکەینەوە کاتێک دەستگەیشتن بە ماڵپەڕەکانمان ئەنجام دەدەیت یان بەکاریان دەهێنیت. ئەمە چەند زانیارییەک دەگرێتەوە وەک مۆدێلی هاردوێر، زانیارییەکانی سیستمی کارپێکردن، ئاستی پاتری، بەهێزی نیشانە، وەشانی ئەپ، زانیارییەکانی وێبگەڕ، تۆڕی ئینتەرنێتی مۆبایل، زانیارییەکانی پەیوەستبوون (لەوانە ژمارە مۆبایل، کارپێکەری مۆبایل یان دابینکاری ڕاژەی ئینتەرنێت (ISP)) زمان و ناوچەی کات، ناونیشانی IP، زانیارییەکانی کارکردنەکانی ئامێر، هەروەها ناسێنەرەوەکان (لەوانە ئەو ناسێنەرانەوانەی تەنها تایبەتن بە بەرهەمەکانی کۆمپانیای Meta کە پەیوەستن بە هەمان ئامێر یان هەژمارەوە).
کووکیز. ماڵپەڕەکانمان کووکیز بەکار دەهێنن. کووکی بریتییە لە توخمێکی بچووکی داتا کە ماڵپەڕەکەمان دەنێرێت بۆ وێبگەڕی بەکارهێنەرێک، کە ڕەنگە دواتر لە هارد درایڤی بەکارهێنەردا هەڵبگیرێت تا ئێمە بتوانین کۆمپیوتەر یان ئامێری بەکارهێنەرەکە بناسینەوە کاتێک دەگەڕێتەوە. ئێمە تەکنەلۆژیای دیکەش بەکار دەهێنین کە هەمان کار دەکەن. دەتوانیت زیاتر بزانیت دەربارەی ئەوەی ئێمە چۆن کووکیز و تەکنەلۆژیا هاوشێوەکان لەسەر ماڵپەڕی Workplaceی خۆمان بەکار دەهێنین لە سیاسەتی کووکیزی ئێمەدا.
زانیارییەکانی لایەنی سێیەم. کاتێک ئێمە لەگەڵ دابینکارانی خزمەتگوزاری و هاوبەشانی لایەنی سێیەمدا کار دەکەین تا هاوکارمان بن لە بەگەڕخستن، دابینکردن، بەرەوپێشبردن، تێگەیشتن، تایبەتمەندکردن، هەروەها پاڵپشتیکردنی ماڵپەڕ و چالاکییەکانمان، ئێمە لەوانەوە زانیاری دەربارەی تۆ کۆ دەکەینەوە.
کۆمپانیاکانی Meta. ئێمە لە هەلومەرجی دیاریکراودا زانیاری لەو ژێرخان، سیستم و تەکنەلۆژیایانە کۆ دەکەیەنەوە کە لەگەڵ لایەنەکانی دیکەی کۆمپانیاکانی Meta هاوبەش دەکرێن. هەروەها ئێمە زانیاری دەربارەی تۆ لەسەر بەرهەمەکانی کۆمپانیای Meta و لەسەر ئامێرەکان پێواژۆ دەکەین بە گوێرەی مەرج و سیاسەتەکانی هەرکام لە بەرهەمەکان و وەک ئەوەی بە گوێرەی یاسا بەرکارەکان ڕێگەپێدراوە.
ئەو زانیارییانەی کە کۆ دەکرێنەوە کاتێک تۆ خزمەتگوزارییەکانی Workplace بەکار دەهێنیت دەچنە ژێر سیاسەتی تایبەتمەندێتیی Workplace کە ئەوە دەستنیشان دەکەن زانیارییەکانی چۆن پێواژۆ و پڕۆسێس دەکرێن کاتێک تۆ خزمەتگوزارییەکانی Workplace بەکار دەهێنیت.
3. چۆن زانیارییەکانت پێواژۆ دەکەین
ئێمە ئەو زانیارییانە بەکار دەهێنین کە هەمانن (لەسەر بنەمای بژاردەکانی تۆ و یاسا بەرکارەکان) بۆ بەگەڕخستن، دابینکردن، بەرەوپێشبردن، تێگەیشتن، تایبەتمەندکردن، هەروەها پاڵپشتیکردنی ماڵپەڕ و چالاکییەکانمان.
دابینکردن، بەرەوپێشبردن و پەرەپێدانی ماڵپەڕ و چالاکییەکانمان.
ئێمە زانیارییەکانت شیکار دەکەین بۆ دابینکردن، بەرەوپێشبردن و پەرەپێدانی ماڵپەڕ و چالاکییەکانمان. ئەمە ڕێگەدان بە تۆش دەگرێتەوە تا بەگشتی ماڵپەڕەکانمان بەکار بهێنیت و پێیاندا بگەڕێیت، پەیوەنیمان پێوە بکەیت بۆ زانیاری، دەستت بە سەرچاوەی زیاتر بگات و خۆت تۆمار بکەیت بۆ تاقیکردنەوە بێبەرامبەرەکان. هەروەها ئێمە زانیارییەکانت بەکار دەهێنین بۆ ئەنجامدانی چالاکییە بازاڕگەرییەکانمان بە گوێرەی ئەم سیاسەتی تایبەتمەندێتییە. هەروەها ئێمە زانیارییەکانت بەکار دەهێنین بۆ دابینکردن، بەرەوپێشبردن و پەرەپێدانی پانێڵەکانی ڕاپرسی و/یان فیدباک کە تۆ پەیوەستیان بوویت.
تێگەیشتن لەوەی ڕاژەخوازان دەیانەوێت و بەدڵیانە.
ئێمە زانیاری و فیدباکەکانت لەبەرچاو دەگرین و شیکارییان بۆ دەکەین ئەگەر تۆ بەشداری لە پانێڵێکی فیدباک یا توێژینەوەکانی دیکەی فیدباکدا بکەیت (وەک کاتێک، بۆ نموونە، بیرۆکەی نوێ تاقی دەکەیتەوە یان پێشبینینی تایبەتمەندێتی Workplace دەکەیت). ئێمە ئەمە دەکەین تا تێبگەین ڕاژەخوازان چیان دەوێت و چیان بەدڵە بۆ نموونە، بۆ زانینی ئەوەی کە ئایا تایبەندمەندیی نوێی Workplace یان بەرهەم و خزمەتگوزارییەکانی دیکە بگۆڕین یان زیاد بکەین و تێڕوانینەکانی دیکە بەدەست بهێین. ئەو زانیارییانەی لە بەشداریکردنی تۆوە لە پانێڵێکی فیدباکدا یان توێژینەوەکانی دیکەی فیدباکدا دەست دەکەون لە شێوەیەکی نەناسێنەرەوەدا کەڵەکە دەکرێن و بەکار دێن و ئەگەر وتەیەک یان باوەڕێک لە فیدباکەکەدا یان لە ڕاپۆرتی تێڕوانینەکاندا بەکار هات، ڕاپۆرتەکە ئەمە ناداتە پاڵ کەسایەتیی تۆ.
پەیوەدنیکردن لەگەڵ تۆدا.
ئێمە ئەو زانیارییانەی کە هەمانن بەکار دەهێنین بۆ ناردنی پەیوەندیکردنە بازاڕگەرییەکان بۆ تۆ و بۆ پەیوەندیکردنی گشتی لەگەڵ تۆدا دەربارەی ماڵپەڕ و چالاکییەکەنمان، هەروەها تا ئاگادارت بکەینەوە دەربارەی سیاسەت و مەرجەکانمان کاتێک پیادە دەبن. هەروەها ئێمە زانیارییەکانت بەکار دەهێنین تا وەڵامت بدەینەوە، کاتێک پەیوەندیمان پێوە دەکەیت.
دابینکردن، تایبەتمەندکردن، پێوانەکردن و بەرەوپێشبردنی بازاڕگەری و ڕیکلامکردنمان.
ڕەنگە ئێمە زانیارییەکانت بەکار بهێنین بۆ ڕیکلامە ئاڕاستەکراوەکان، لە نێویاندا لە ڕێگەی تۆڕەکانی لایەنی یەکەم و لایەنی سێیەمەوە و بۆ دروستکردنی جەماوەری لەیەکچوو، جەماوەری تایبەتمەندکراو و پێوانەکردن لە تۆڕەکانی ڕیکلامی لایەنی یەکەم و لایەنی سێیەمدا.
برەودان بە سەلامەتی، سەرڕاستی و ئاسایش.
ئێمە زانیارییەکانی ئامێر و پەیوەستبوونت شیکار دەکەین بۆ دیاریکردن و لێکۆڵینەوە لە شێوازەکانی هەڵسوکەوتی گوماناوی.
پاراستن و هاوبەشکردنی زانیاری لەگەڵ ئەوانی دیکەدا لە نێویاندا سەپێنەرانی یاسا و بۆ وەڵامدانەوەی داواکارییە یاساییەکان.
ئێمە زانیارییەکانت پێواژۆ دەکەین کاتێک پابەند دەبین بە پابەندییەکی یاساییەوە لەوانە، بۆ نموونە، بۆ دەستگەیشتن، هەڵگرتن یان ئاشکراکردنی زانیاریی دیاریکراو ئەگەر داوایەکی یاسایی ڕەوا هەبێت لەلایەن ڕێکخەر، سەپێنەری یاسایی یان لایەنی دیکەوە. ئەمە وەڵامدانەوە بۆ داواکارییە یاساییەکان لەخۆ دەگرێت کاتێک ئێمە لەلایەن یاسای بەرکارەوە پابەند نەکراوین بەڵام بە باوەڕی دروستەوە پێمان وایە کە بەپێی یاسای دەسەڵاتی یاسایی پەیوەندیدار پێویستە، یاخود هاوبەشکردنی زانیاری لەگەڵ سەپێنەرانی یاسا یان هاوبەشانی بواری پیشەسازی بۆ ڕووبەڕووبوونەوەی هەڵسوکەوتی گێچەڵکار و نایاسایی. بۆ نموونە، ئێمە پوختەیەکی زانیارییەکانی بەکارهێنەر دەپارێزین کاتێک لەلایەن سەپێنەرانی یاساوە داوا دەکرێت کە پێویستە بۆ مەبەستەکانی لێکۆڵینەوە. ئێمە زانیارییەکان دەپارێزین و هاوبەش دەکەین کاتێک داوای ڕاوێژکاریی یاسایی دەکەین یان دەمانەوێت خۆمان بپارێزین لە سیاقی دادخوازی یان ناکۆکییەکانی دیکەدا. ئەمە پرسەکانی وەک پێشێلکارییەکانی مەرج و سیاسەتەکانمان دەگرێتەوە. لە هەندێک حاڵەتدا، ئەگەر زانیارییە کەسییەکانی خۆتمان پێ نەدەیت کاتێک لەلایەن یاساوە داوا کراوە ڕەنگە ببێتە هۆی ئەوەی تۆ و Meta پێشێلی یاسای بەرکار بکەن.
4. ئەو زانیارییانەی هاوبەشی دەکەین
ئێمە داوا لە هاوبەش و لایەنەکانی سێیەم دەکەین کە شوێن ڕێساکان بکەون دەربارەی ئەوەی کە کەی دەتوانن یان ناتوانن ئەو زانیارییانەی ئێمە دابینی دەکەین بەکار بهێنن و ئاشکرای بکەن. ئەمە وردەکاریی زیاترە دەربارەی ئەوەی ئێمە زانیاری لەگەڵ کێ هاوبەش دەکەین:
هاوبەش و دابینکارانی خزمەتگوزاریی لایەنی سێیەم: ئێمە لەگەڵ هاوبەشانی لایەنی سێیەم و دابینکارانی خزمەتگوزاریی لایەنی سێیەمدا کار دەکەین تا هاوکارمان بن لە جێبەجێکردنی ماڵپەڕ و چالاکییەکانماندا. لەسەر بنەمای ئەوەی چۆن پاڵپشتیمان دەکەن و کارمان لەگەڵ دەکەن، کاتێک ئێمە لەم پێگەیەدا زانیاری لەگەڵ دابینکارانی خزمەتگوزاریی لایەنی سێیەمدا هاوبەش دەکەین، ئێمە لەسەریان پێویست دەکەین کە زانیارییەکانی تۆ لەبری ئێمە بەکار بهێنن بەگوێرەی مەرج و ڕێنماییەکانی ئێمە. ئێمە لەگەڵ جۆری جیاوازی هاوبەش و دابینکارانی خزمەتگوزاریدا کار دەکەین، بە دیاریکراوی ئەوانەی پاڵپشتی ئێمە دەکەن لە بازاڕگەری، شیکارییەکان، ڕاپرسییەکان، پانێڵەکانی فیدباک، هەروەها بەرەوپێشبردنی بەرهەم و خزمەتگوزارییەکاندا.
کۆمپانیاکانی Meta: ئێمە ئەو زانیارییانە لەگەڵ لایەنەکانی تری کۆمپانیاکانی Metaدا هاوبەش دەکەین کە کۆیان دەکەینەوە پەیوەست بە چالاکییەکانمانەوە یان لە ڕێگەی ماڵپەڕ، ژێرخان، سیستم و تەکنەلۆژیاکانمانەوە. هاوبەشکردن هاوکارمان دەبێت لە برەودان بە سەلامەتی، ئاسایش و سەرڕاستی؛ تایبەتمەندکردنی ئۆفەر و ڕیکلامەکان؛ پابەندبوون بە یاسای بەرکارەوە؛ پەرەپێدان و دابینکردنی تایبەتمەندی و یەکخستنەکان؛ هەروەها تێگەیشتن لەوەی چۆن خەڵکی بەرهەمەکانی کۆمپانیای Meta بەکار دەهێنن و کارلێکی لەگەڵ دەکەن.
یاسایی و پابەندێتی: دەکرێت ئێمە دەستپێگەیشتن، پاراستن، بەکارهێنان و هاوبەشکردنی زانیارییەکانت ئەنجام بدەین (i) لە وەڵامدانەوەی داواکارییە یاساییەکاندا، وەک فەرمانەکانی گەڕان، داواکارییەکانی دادگا، بانگهێشتنامە و داواکارییەکانی دروستکردن. ئەم داواکارییانە لە لایەنەکانی سێیەمەوە دێن وەک دادخوازی مەدەنی، سەپێنەری یاسا یان دەسەڵاتە حکومییەکان. هەروەها ڕەنگە ئێمە زانیارییەکانت لەگەڵ ڕێکخراوەکانی دیکەدا هاوبەش بکەین، لەوانە کۆمپانیاکانی Meta و لایەنەکانی سێیەمی ئێمە، کە هاوکارمان دەبن لە لێکۆڵینەوە و وەڵامدانەوەی ئەو داوایانەدا، (ii) بە گوێرەی یاسای پیادەکراو، هەروەها (iii) بۆ برەوپێدانی سەلامەتی، ئاسایش و سەرڕاستیی بەرهەم، بەکارهێنەر، فەرمانبەر و خاوەندارێتیی Meta و خەڵکی گشتی. ئەمە مەبەستەکانی لێکۆڵینەوەش لەخۆ دەگرێت لە شکاندنی ڕێککەوتنێک، پێشێلکارییەکانی مەرج و سیاسەتەکانمان یان ڕەچاونەکردنی یاسا یان دیاریکردن، ئاماژەدان یان ڕێگریکردن لە فریودان. هەروەها زانیارییە کەسییەکانت دەکرێت ئاشکرا بکرێن کاتێک پێویستە بۆ ئەنجامدان، پیادەکردن یان بەرگریکردن لە داوانامەی یاسایی یان بۆ لێکۆڵینەوە یان ڕێگریکردن لە لەدەستدان یان زیانی ڕاستی یان گومانکراو بەرامبەر کەس یان سامان.
فرۆشتنی بازرگانی: ئەگەر ئێمە بەشێکی یان هەموو بازرگانییەکەمان فرۆشت یان گواستەوە بۆ کەسێکی دیکە، ئەوکات دەکرێت ئێمە زانیارییەکانت بدەینە خاوەنە نوێکە وەک بەشێک لە گواستنەوەکە، ئەویش بە گوێرەی یاسای بەرکار.
5. چۆن مافەکانت پیادە دەکەیت
تۆ هەندێک مافت هەیە پەیوەست بە زانیارییە کەسییەکانتەوە، ئەوەش دەکەوێتە سەر یاسای بەرکار و ئەو شوێنەی لێی نیشتەجێیت. لە کاتێکدا هەندێک لەم مافانە بە شێوەیەکی گشتی پیادە دەبن، هەندێک مافی دیاریکراو تەنها لە حاڵەتی سنوورداردا یان لە دەسەڵاتی یاسایی دیاریکراودا پیادە دەبن. دەتوانیت مافەکانت پیادە بکەیت لە ڕێگەی پەیوەندیکردن بە ئێمەوە لێرە.
- مافی دەستپێگەیشتن/زانین - تۆ مافی ئەوەت هەیە داوای دەستگەیشتن بە زانیارییەکانت بکەیت یان لەبەرگیراوەیەکی زانیاریی دیاریکراوت پێ بدرێت لە نێویاندا هاوپۆلەکانی زانیارییە کەسییەکانت کە ئێمە کۆیان دەکەینەوە، بەکاریان دەهێنین و ئاشکرایان دەکەین، هەروەها زانیاریی دەربارەی کردارەکانی داتامان.
- مافی ڕاستکردنەوە - تۆ مافی ئەوەت هەیە کە داوای ئەوە بکەیت کە ئێمە زانیاریی کەسیی ناڕاست دەربارەی تۆ ڕاست بکەینەوە.
- مافی سڕینەوە/داواکاریی سڕینەوە - تۆ مافی ئەوەت هەیە، لە هەندێک حاڵەتدا، داوای ئەوە بکەیت کە ئێمە زانیارییە کەسییەکانت بسڕینەوە، بەو مەرجەی بنەمای ڕەوا هەبێت بۆ ئەنجامدانی ئەوە و بە گوێرەی یاسای بەرکار دەبێت.
- مافی گواستراوەیی داتا - تۆ مافی ئەوەت هەیە، لە هەندێک حاڵەتدا، کە زانیارییەکانت بەدەست بگات بە شێوەیەکی ڕێکخراو، باو و ئامێر-خوێنراوە و هەروەها بۆ گواستنەوەی ئەو زانیارییانە بۆ کۆنتڕۆڵکارێکی دیکە.
- مافی ڕەتکردنەوە/دەرچوون لە (بازاڕگەری) - تۆ مافی ئەوەت هەیە لە هەر کاتێکدا ناڕازی بیت بە پڕۆسێسکردن بۆ مەبەستەکانی بازاڕگەری، سازکردنی پەڕەی کەسی و بڕیاردان. ئەگەر ئێمە زانیاریی تۆ بۆ بازاڕگەریی ڕاستەوخۆ بەکار بهێنین، دەتوانیت ناڕازی بیت و دەربچیت لە بەشداریکردن لە نامەکانی بازاڕگەریی ڕاستەوخۆ لە داهاتوودا بە بەکارهێنانی بەستەری بەشدارینەکردن لەو پەیوەستیکردنە نامەیانەدا.
- مافی ناڕازیبوون - تۆ مافی ناڕازیبوون و سنووردارکردنی پڕۆسێسکردنی زانیاریی دیاریکراوت هەیە. دەتوانیت ناڕازی بیت بە پڕۆسێسکردنی ئێمە بۆ زانیارییەکانت کاتێک ئێمە پشت بە بەرژەوەندییە ڕەواکان دەبەستین یان ئەرکێک ئەنجام دەدەین کە لە بەرژەوەندیی گشتیدایە. ئێمە لە هەڵسەنگاندنی ناڕازیبوونێکدا پشت بە چەند کارکردێک دەبەستین، لە نێویاندا: مەگەر ئەوەی ئێمە بنەمای ڕازیکەری ڕەوامان هەبێت بۆ پڕۆسێسکردنەکە، کە کەمتر نین لە بەرژەوەندییەکانی تۆ یان ماف و ئازادییە بنەڕەتییەکانت، یان پڕۆسێسکردنەکە بە هۆکاری یاسایی پێویستە، داواکارییەکەت جێبەجێ دەبێت و، ئێمە پڕۆسێسکردنی زانیارییەکانت دەوەستێنین. دەتوانیت سەرباری ئەوەش بەستەری «بەشدارینەکردن» لە پەیوەندیکردنە بازاڕگەرییەکانماندا بەکار بهێنیت بۆ وەستاندنی ئێمە لە بەکارهێنانی زانیارییەکانت بۆ بازاڕگەریی ڕاستەوخۆ.
- چاوەڕوانییە جێپەسەندەکانت
- سوود و مەترسییەکان بۆ تۆ، بەکارهێنەرانی دیکە و لایەنەکانی سێیەم
- ئامرازە بەردەستەکانی دیکە بۆ بەدەستهێنانی هەمان مەبەست کە ڕەنگە کەمتر دەستدرێژرکار بن و پێویستیان بە هەوڵی لەڕادەبەدەر نەبێت
- مافی کێشانەوەی ڕەزامەندیت لەو شوێنەدا کە ئێمە ڕەزامەندیی تۆمان ویستووە بۆ چالاکیی دیاریکراوی پڕۆسێسکردن، تۆ مافی ئەوەت هەیە لە هەر کاتێکدا ئەو ڕەزامەندییە بکێشێنیتەوە. تکایە تێبینیی ئەوە بکە کە یاسایبوونی هەر پڕۆسێسکردنێک کە پێش کێشانەوەی ڕەزامەندییەکە ئەنجام دراوە نابێت کاریگەر بێت بە کێشانەوەکە.
- مافی سکاڵاکردن - تۆ دەتوانیت سکاڵایەک پڕ بکەیتەوە لەلای دەسەڵاتی چاودێریی ناوچەکەت. دەسەڵاتی چاودێریی پێشەنگی پلاتفۆڕمەکانی Metaی ئێرلەندا بریتییە لە کۆمیسیۆنی پاراستنی داتای ئێرلەندی.
- مافی جیاکارینەکردن: ئێمە جیاکاریکردن دژی تۆ ئەنجام نادەین بۆ پیادەکردنی هەرکام لە مافانە.
تکایە تێبینیی ئەوە بکە کە بۆ پاراستنی زانیارییەکانی تۆ و سەڕاستیی خزمەتگوزارییەکانی بازاڕگەریمان، پێویستە ئێمە ناسنامەکەت پشتڕاست بکەینەوە بەر لە کارکردن لەسەر داواکەت. لە هەندێک حاڵەتدا دەکرێت پێویست بێت ئێمە زانیاریی دیکە کۆ بکەینەوە بۆ پشتڕاستکردنەوەی ناسنامەت، وەک کارتی ناسنامەی دەرچوو لەلایەن حکومەتەوە لە هەندێک دەسەڵاتی یاساییدا. بەپێی یاسا دیاریکراوەکان، دەکرێت تۆ خۆت ئەم مافانە پیادە بکەیت یان دەکرێت بریکارێکی ڕێگەپێدراو دیاری بکەیت بۆ ئەنجامدانی ئەم داواکاریانە لەبری تۆ.
یاسای پاراستنی گشتیی داتای بەڕازیلی
ئەم بەشە بەسەر ئەو چالاکیانەی پڕۆسێسکردنی زانیاریی کەسیدا پیادە دەبێت کە دەکەوێتە ژێر یاسای بەڕازیلی و تەواوکەری ئەم سیاسەتی تایبەتمەندێتییەیە.
بەپێی یاسای پاراستنی گشتیی داتای بەڕازیلی («LGPD»)، تۆ مافی دەستپێگەیشتن، ڕاستکردنەوە، گواستنەوە، سڕینەوە، هەروەها پشتڕاستکردنەوەی ئەوەت هەیە کە ئێمە پڕۆسێسی داتای تۆ بکەین. لە هەندێک بارودۆخدا، تۆ مافی ناڕازیبووون یان سنووردارکردنی پڕۆسێکردنی زنیارییە کەسییەکانی خۆتت هەیە، یان دەکرێت ڕەزامەندیت بکێشێنیتەوە کاتێک ئێمە لەسەر بنەمای ڕەزامەندیی خۆت ئەو داتایە پڕۆسێس دەکەین کە تۆ دابینی دەکەیت. ئەم سیاسەتی تایبەتمەندێتییە زانیاری دەربارەی ئەوەی ئێمە چۆن داتا لەگەڵ لایەنەکانی سێیەمدا هاوبەش دەکەین بەردەست دەخات. بۆ داواکردنی زانیاریی زیاتر دەربارەی کردەکانی داتامان، کرتە لێرە بکە.
هەروەها مافی ئەوەشت هەیە کە داخوازینامە پێشکەش بە دەسەڵاتی پاراستی داتای بەڕازیلی بکەیت بە پەیوەدنیکردنی ڕاستەوخۆ پێیانەوە.
6. هێشتنەوەی زانیارییەکانت
ئێمە زانیارییە کەسییەکانت دەهێڵینەوە تا ئەو کاتەی کە پێویستە بۆ ئەو مەبەستانەی لەم سیاسەتی تایبەتمەندێتییەدا خراونەتە ڕوو. Meta ئەو زانیارییانەی تۆ دەهێڵێتەوە کە ئێمە کۆیان دەکەینەوە کاتێک تۆ بەشداری دەکەیت لە پانێڵێکی فیدباک یان توێژینەوەکانی فیدباکدا بە درێژایی پڕۆژەکە و پاشان بۆ ئەو ماوەیەی کە پێویستە بۆ ئەنجامدانی شیکارییەکان، وەڵامدانەوەی پێداچوونەوەی هاوبواران یان بە شێوەی دیکە بۆ پشتڕاستکردنەوەی فیدباکەکە. Meta زانیارییە کەسییەکانت دەهێڵێتەوە و بەکاریان دەهێنێت تا ئەو ئاستەی کە پێویستە بۆ پابەندبوون بە پابەدنییە یاساییەکان (بۆ نموونە، ئەگەر پێویست بێت ئێمە زانیارییەکانت بهێڵینەوە بۆ پابەندبوون بە یاسای بەرکارەوە)، بۆ چارەسەرکردنی ناکۆکییەکان و بۆ سەپاندنی مەرجەکانمان. هەر کە ئەم کاتهێڵانەی هێشتنەوە تەواو بوون و ئێمە هیچ هۆکارێکی دیکەمان نەبوو بۆ هێشتنەوەی زانیارییە کەسییەکانت، زانیارییە کەسییە پەیوەندیدارەکان دەسڕدرێنەوە.
7. کارکردنە جیهانییەکانمان
ئێمە ئەو زانیارییانە هاوبەش دەکەین کە لە ئاستی جیهانیدا کۆیان دەکەینەوە، هەم لە ناوخۆ و لە نێوان نووسینگەکانمان و ناوەندەکانی داتاماندا، هەم لە ئاستی دەرەکی و لەگەڵ فرۆشیار، دابینکاری خزمەتگوزاری و لایەنەکانی سێیەمی خۆماندا. لەبەرئەوەی Meta جیهانییە، گواستنەوەکان لەگەڵ ڕاژەخواز و کارمەندەکانی لە سەرانسەری جیهان بە هۆکاری جۆراوجۆر پێویستن، لەوانە:
- تا بتوانین کار بکەین و ئەوخزمەتگوزارییانە دابین بکەین کە لە مەرجەکانی ئەم سیاسەتی تایبەتمەندێتییەدا ئاماژەیان پێ کراوە
- تا بتوانین بەرهەمەکانمان چاک بکەینەوە، شیکار بکەین و بەرەوپێش بەرین بە گوێرەی ئەم سیاسەتی تایبەتمەندێتییە
زانیارییەکان بۆ کوێ دەگوازرێنەوە؟
زانیارییەکانت دەگوازرێنەوە یان دەنێردرێن بۆ، یاخود هەڵدەگیرێن یان پێواژۆ دەکرێن لە:
- لەو شوێنانەی ئێمە ژێرخان و ناوەندەکانی داتامان هەیە، لە نێویاندا ویلایەتە یەکگرتووەکان، ئێرلەندا، دانیمارک، سوید، چەندانی دیکەش
- ئەو وڵاتانەی Workplace تێیاندا بەردەستە
- ئەو وڵاتانەی دیکە کە فرۆشیار، دابینکاری خزمەتگوزاری یان لایەنەکانی سێیەمی ئێمە کەوتوونەتە دەرەوەی ئەو وڵاتەی تۆ لێی دەژیت، بۆ ئەوە مەبەستانەی کە لەم سیاسەتی تایبەتمەندێتییەدا باس کراون.
ئێمە چۆن پارێزگاری لە زانیارییەکانت دەکەین؟
ئێمە پشت بە میکانیزمی شیاو دەبەستین بۆ گواستنەوە نێودەوڵەتییەکانی داتا.
ئەو میکانیزمانەی بۆ گواستنەوە جیهانییەکانی داتا بەکاریان دەهێنین
ئێمە پشت بە میکانیزمی شیاو دەبەستین بۆ گواستنەوە نێودەوڵەتییەکان. بۆ نموونە، بۆ ئەو زانیارییانەی کۆیان دەکەینەوە:
ناوچەی ئابووریی ئەورووپی
- ئێمە پشت بە بڕیارەکانی کۆمیسیۆنی ئەورووپی دەبەستین کە لە ڕێگەیەوە ئەوە دەردەخەن کە هەندێک وڵات و هەرێمی دەرەوەی ناوچەی ئابووریی ئەورووپی دڵنیایی دەدەن لە ئاستی شیاوی پاراستن بۆ داتای کەسی. ئەم بڕیارانە وەک «بڕیارەکانی شیاوێتی» ئاماژەیان بۆ دەکرێت. بە دیاریکراوی، ئێمە ئەو زانیارییانەی لە ناوچەی ئابووریی ئەورووپی کۆیان دەکەینەوە دەگوازینەوە بۆ ئەرجەنتین، ئیسڕائیل، نیوزلەندا، سویسرا و، کاتێک بڕیارەکە پیادە دەبێت، کەنەدا لەسەر بنەمای بڕیارەکانی شیاوێتیی پەیوەندیدار. زیاتر بزانە دەربارەی بڕیاری شیاوێتی بۆ هەر وڵاتێک. کۆمپانیای پلاتفۆڕمەکانی Meta بەشداریی خۆی لە چوارچێوەی تایبەتمەندێتیی داتای یەکێتیی ئەورووپا-ویلایەتە یەکگرتووەکان بە بڕوانامە پشتڕاست کردۆتەوە. ئێمە پشت بە چوارچێوەی تایبەتمەندێتیی داتای یەکێتیی ئەورووپا - ویلایەتە یەکگرتووەکان، هەروەها بڕیاری شیاوێتیی پەیوەندیداری کۆمیسیۆنی ئەورووپا، دەبەستین بۆ گواستنەوەی زانیاری بۆ ئەو بەرهەم و خزمەتگوزارییانەی کە لەو بڕوانامەیەدا دیاری کراون. بۆ زانیاریی زیاتر، تکایە بڕوانە بڵاوکراوەی چوارچێوەی تایبەتمەندێتیی داتای کۆمپانیای پلاتفۆڕمەکانی Meta.
- لە بارودۆخەکانی دیکەدا، ئێمە پشت دەبەستین بە بەندە گرێبەستییە ستانداردەکانی پەسەندکراو لەلایەن کۆمیسیۆنی ئەورووپی (هەروەها بەندە گرێبەستییە ستانداردە هاوتاکان بۆ شانشینی یەکگرتوو، کاتێک پیادە دەبێت) یان بۆ ئەو کەمکردنەوانەی بەپێی یاسای بەرکار دانراون بۆ گواستنەوەی زانیاری بۆ وڵاتێکی سێیەم.
- سەرباری ئەوە، تکایە پێداچوونەوە بکە بە ئەو هەنگاوانەی دەیانگرینە بەر بۆ گواستنەوەی زانیارییەکانت بە پارێزراوی.
ئەگەر هەر پرسیارێکت هەیە دەربارەی گواستنەوە نێودەوڵەتییەکانی داتا و بەندە گرێبەستییە ستانداردەکان، دەتوانیت پەیوەندیمان پێوە بکەیت.
کۆریا
زیاتر بزانە دەربارەی ئەو مافانەی تایبەتمەندێتی کە بۆ تۆ بەردەستن، وردەکارییەکان دەربارەی ئەو لایەنی سێیەمانەی ئێمە زانیارییەکانی تۆیان لەگەڵ هاوبەش دەکەین و، پرسەکانی دیکە لە ڕێگەی پێداچوونەوەی هۆشدارنامەی تایبەتمەندێتیی کۆریای ئێمەوە.
بەشەکانی دیکەی جیهان:
- لە بارودۆخەکانی دیکەدا، ئێمە پشت دەبەستین بە بەندە گرێبەستییە ستانداردەکانی پەسەندکراو لەلایەن کۆمیسیۆنی ئەورووپی (هەروەها بەندە گرێبەستییە ستانداردە هاوتاکان بۆ شانشینی یەکگرتوو، کاتێک پیادە دەبێت) یان بۆ ئەو کەمکردنەوانەی بەپێی یاسای بەرکار دانراون بۆ گواستنەوەی زانیاری بۆ وڵاتێکی سێیەم.
- ئێمە پشت بە دیاریکردنەکان لەلایەن کۆمیسیۆنی ئەرووپی، هەروەها لەلایەن دەسەڵاتە پەیوەندیدارەکانی دیکەوە، دەبەستین دەربارەی ئەوەی کە ئایا وڵاتێک ئاستە شیاوەکانی پاراستنی داتای هەیە.
- ئێمە پشت بەو میکانیزمە هاوتایانەی ژێر یاسای پیادەبوو دەبەستین کە پیادە دەبن بەسەر گواستنەوەی داتا بۆ ویلایەتە یەکگرتووەکان و وڵاتە پەیوەندیدارەکانی دیکەدا.
ئێمە لەوەش دڵنیا دەبینەوە کە ڕێکاری پاراستنی شیاو لە کاردایە هەرکاتێک زانیارییەکانت دەگوازینەوە. بۆ نموونە، ئێمە زانیارییەکانت بەنهێنی دەکەین کاتێک لە گواستنەوەدایە لەسەر تۆڕە گشتییەکانی ئینتەرنێت بۆ پاراستنی دەستپێگەیشتنی ڕێگەپێنەدراو.
8. بنەما یاساییەکانمان بۆ پڕۆسێسکردن
لە ژێر هەندێک یاسای پیادەبووی پاراستنی داتادا، کۆمپانیاکان دەبێت بنەمایەکی یاساییان هەبێت بۆ پڕۆسێسکردنی داتای کەسی. کاتێک ئێمە باس لە «پڕۆسێسکردنی داتای کەسی» دەکەین، مەبەستمان ئەو ڕێگایانەیە کە ئێمە زانیاری کۆ دەکەینەوە، بەکار دەهێنین و هاوبەش دەکەین، هەر وەک ئەوەی لە بەشەکانی دیکەی ئەم سیاسەتی تایبەتمەندێتییەدا باسمان کردووە.
بنەمای یاسایی ئێمە چییە؟
بە گوێرەی دەسەڵاتی یاسایی و بارودۆخەکەت، ئێمە پشت بە بنەمای یاسایی جیاواز دەبەستین بۆ پڕۆسێکردنی زانیارییەکانت بۆ ئەو مەبەستانەی لەم سیاسەتی تایبەتمەندێتییەدا باس کراون. هەروەها دەکرێت ئێمە پشت بە بنەمای یاسایی جیاواز ببەستین کاتێک هەمان زانیاری بۆ مەبەستی جیاواز پێواژۆ دەکەین. لە هەندێک دەسەڵاتی یاساییدا، ئێمە بە شێوەیەکی سەرەکی پشت بە ڕەزامەندیی خۆت دەبەستین بۆ پڕۆسێسکردنی زانیارییە کەسییەکانت. لە دەسەڵاتە یاساییەکانی دیکەدا، لە نێویاندا ناوچەی ئەرووپی، ئێمە پشت بەم بنەما یاساییانەی خوارەوە دەبەستین. بۆ هەرکام لە بنەما یاساییەکانی خوارەوە، ئێمە باسی ئەوە دەکەین کە بۆچی زانیارییەکانت پێواژۆ دەکەین.
بەرژەوەندییە ڕەواکان
ئێمە پشت بە بەرژەوەندییە ڕەواکانی خۆمان یان بەرژەوەندییە ڕەواکانی لایەنێکی سێیەم دەبەستین کاتێک بەرژەوەندییەکانی تۆ یان ماف و ئازادییە بنەڕەتییەکانت لە سەرتر نین («بەرژەوەندییە ڕەواکان»):
| بۆچی و چۆن کار بە زانیارییەکانت دەکەین | بەرژەوەندییە ڕەوا پشتپێبەستراوەکان | هاوپۆلەکانی زانیارییە بەکارهێنراوەکان |
|---|---|---|
بۆ دابینکردن، بەرەوپێشبردن و پەرەپێدانی ماڵپەڕەکەمان و چالاکییەکانمان، ئێمە: شیکاری دەکەین بۆ زانیارییەکانت و ئەوەی تۆ چۆن ماڵپەڕەکەمان بەکار دەهێنیت و چالاکییەکانمان بەکار دەهێنیت و بەشدارییان تێدا دەکەیت. | ئەوە لە بەرژەوەندیی ئێمەیە کە لە ماڵپەڕەکەمان تێبگەین و ماڵپەڕەکەمان چاودێری بکەین و بەرەپێشی بەرین. ئەوە لە بەرژەوەندیی ئێمەیە کە چالاکییەکانی بازاڕگەری و فیدباک دابین بکەین، کە تێبگەین تۆ چۆن بەکاریان دەهێنیت و، پەرەیان پێ بدەین و بەرەوپێشیان بەرین. |
|
بۆ تێگەیشتن لەوەی بەکارهێنەران چیان دەوێت و چیان بەدڵە، ئێمە: چالاکییەکانمان دابین دەکەین، لە نێویاندا شیکاریکردنی زانیارییەکان و فیدباکی تۆ ئەگەر بەشداری لە پانێڵێکی فیدباک یان توێژینەکانی دیکەی فیدباکدا بکەیت کاتێک، بۆ نموونە، بیرۆکەی نوێ تاقی دەکەیتەوە و پێشبینین بۆ تایبەتمەندییە نوێکانی Workplace دەکەیت. زانیارییە بەدەستهاتووەکان لە بەشداریکردنی تۆ لە پانێڵێکی فیدباک یان توێژینەوەکانی دیکەی فیدباکدا کەڵەکە دەکرێت و بەکار دێت لە شێوەیەکی نەناسێنەرەوەدا و ئەگەر وتە یان باوەڕێک لە فیدباک یان ڕاپۆرتێکی تێڕوانینەکاندا بەکار هات، ڕاپۆرتەکە ئەمە ناداتە پاڵ تۆ. | ئەوە لە بەرژەوەندیی ئێمە و لە بەرژەوەندیی ڕاژەخوازاندایە کە بزانین ڕاژەخوازان چیان دەوێت و چیان بەدڵە و ئەمەش بەکار بهێنین لەوەدا کە ئایا تایبەندمەندیی نوێی Workplace یان بەرهەم و خزمەتگوزارییەکانی دیکە بگۆڕین یان زیاد بکەین و تێڕوانینەکانی دیکە بەدەست بهێین. |
|
بۆ پەیوەندیکردن لەگەڵ تۆدا و بۆ ناردنی پەیوەندیکردنە بازاڕگەرییەکان بۆ تۆ (کاتێک لەسەر بنەمای ڕەزامەندی نین). ئەگەر خۆت تۆمار بکەیت بۆ بەدەستگەیشتنی ئیمەیڵی پەیوەندیکردنە بازاڕگەرییەکانی وەک هەواڵنامەکان، دەتوانیت لە هەر کاتێکدا بەشداریکردن لابەریت بە کرتەکردن لەسەر بەرستەری «بەشدارینەکردن» کە لە بەشی خوارەوەی هەر ئیمەیڵێکدا هەیە. ئێمە پەیوەندی لەگەڵ تۆدا دەکەین دەربارەی چالاکییەکانمان و سیاسەت و/یان مەرجەکانمان کاتێک پەیوەندیدارە. هەروەها ئێمە وەڵامت دەدەینەوە کاتێک پەیوەندیمان پێوە دەکەیت. | ئەوە لە بەرژەوەندیی ئێمەیە کە پەیوەندیکردنە بازاڕگەرییە ڕاستەوخۆکانت بۆ بنێرین بۆ ئەنجامدانی بازاڕگەری بۆ بەرهەمەکانمان و پێدانی زانیاری بە تۆ دەربارەی بەرهەمە نوێ یان نوێکراوە بەرژەوەندیدارەکان. ئەوە لە بەرژەوەندیی ئێمەیە کە پەیوەندی لەگەڵ تۆدا بکەین دەربارەی چالاکییەکانمان. ئەوە لە بەرژەوەندیی ئێمە و لە بەرژەوەندیی تۆدایە کە زانیارییەکانت بەکار بهێنین بۆ وەڵامدانەوەی تۆ کاتێک پەیوەندیمان پێوە دەکەیت. |
|
بۆ دابینکردن، تایبەتمەندکردن، پێوانەکردن و بەرەوپێشبردنی بازاڕگەری و ڕیکلامکردنمان، ئێمە: زانیارییەکانت بەکار دەهێنین بۆ ڕیکلامە ئاڕاستەکراوەکان، لە نێویاندا لە ڕێگەی تۆڕەکانی لایەنی یەکەم و لایەنی سێیەمەوە و بۆ دروستکردنی جەماوەری لەیەکچوو، جەماوەری تایبەتمەندکراو و پێوانەکردن لە تۆڕەکانی ڕیکلامی لایەنی یەکەم و لایەنی سێیەمدا. | ئەوە لە بەرژەوەندیی ئێمەیە کە چالاکییەکانی بازاڕگەری و ڕیکلامکردن ئەنجام بدەین. |
|
بۆ برەودان بە سەلامەتی، سەرڕاستی و ئاسایش، ئێمە: زانیارییەکانی ئامێر و پەیوەستبوونت شی دەکەینەوە بۆ ناسینەوە و لێکۆڵینەوە لە شێوازە گوماناوییەکانی هەڵسوکەوت. | ئەوە لە بەرژەوەندیی ئێمە و لە بەرژەوەندیی بەکارهێنەرانی ماڵپەڕەکەمان و بەشداربوانی چالاکییەکانی بازاڕگەری و فیدباکی ئێمەدایە کە سیستمە پەیوەندیدارەکان بپارێزین و دژی چالاکییەکانی بابەتی نەخوازراو، هەڕەشە، گێچەڵ، یان ساختەکاری بوەستینەوە و برەو بە سەلامەتی و ئاسایش لەسەر ماڵەپەڕ و چالاکییەکان بدەین. |
|
ئێمە زانیارییەکان دەپارێزین و لەگەڵ ئەوانی دیکەدا هاوبەشیان دەکەین لە نێویاندا سەپێنەرانی یاسا و هەروەها بۆ وەڵامدانەوەی داواکارییە یاساییەکان. ئەمە وەڵامدانەوە بۆ داواکارییە یاساییەکان لەخۆ دەگرێت کاتێک ئێمە لەلایەن یاسای بەرکارەوە پابەند نەکراوین بەڵام بە باوەڕی دروستەوە پێمان وایە کە بەپێی یاسای دەسەڵاتی یاسایی پەیوەندیدار پێویستە، یاخود هاوبەشکردنی زانیاری لەگەڵ سەپێنەرانی یاسا یان هاوبەشانی بواری پیشەسازی بۆ ڕووبەڕووبوونەوەی هەڵسوکەوتی گێچەڵکار و نایاسایی. بۆ نموونە، ئێمە پوختەیەکی زانیارییەکانی بەکارهێنەر دەپارێزین کاتێک لەلایەن سەپێنەرانی یاساوە داوا دەکرێت کە پێویستە بۆ مەبەستەکانی لێکۆڵینەوە. | ئەوە لە بەرژەوەندیی ئێمە و لە بەرژەوەندیی بەکارهێنەرەکانماندایە کە ڕێگری بکەین لە فریودان، بەکارهێنانی ڕێگەپێنەدراوی ماڵپەڕ یان چالاکییەکانمان، پێشێلکردنەکانی مەرج و سیاسەتەکانمان، یان چالاکیی دیکەی زیانبەخش یان نایاسایی و کاریان لەسەر بکەین. ئەوە لە بەرژەوەندیی ئێمەدایە کە خۆمان (لە نێویاندا ماف، کارمەند، سامان یان بەرهەمەکانمان)، بەکارهێنەرەکانمان یان ئەوانی دیکە بپارێزیان، لە نێویاندا وەک بەشێک لە لێکۆڵینەوە یان لێپرسینی ڕێکخەرانە؛ یاخود بۆ ڕێگریکردن لە مردن یان زیانە جەستەییە ئەگەرییەکان. لایەنی سەپێنەری یاسا، حکومەت، دەسەڵات و هاوبەشانی بواری پیشەسازیی پەیوەندیدار بەرژەوەندییەکی ڕەوایان هەیە لە لێکۆڵینەوە و ڕووبەڕووبوونەوەی هەڵسوکەوتی گێچەڵکار یان نایاسایی. |
|
ئێمە زانیارییەکان دەپارێزین و هاوبەش دەکەین کاتێک داوای ڕاوێژکاریی یاسایی دەکەین یان دەمانەوێت خۆمان بپارێزین لە سیاقی دادخوازی یان ناکۆکییەکانی دیکەدا. ئەمە پرسەکانی وەک پێشێلکارییەکانی مەرج و سیاسەتەکانمان دەگرێتەوە، کاتێک پیادە دەبن. | ئەوە لە بەرژەوەندیی ئێمە و لە بەرژەوەندیی بەکارهێنەرەکانماندایە کە وەڵامی سکاڵاکان بدەینەوە، ڕێگری بکەین و کار بکەین لەسەر فریودان، بەکارهێنانی ڕێگەپێنەدراوی ماڵپەڕ و چالاکییەکانمان، پێشێلکردنەکانی مەرج و سیاسەتە پیادەبووەکانمان کاتێک پیادە دەبن، یان چالاکیی دیکەی زیانبەخش و نایاسایی. ئەوە لە بەرژەوەندیی ئێمەدایە کە داوای ڕێنمایی یاسایی بکەین و خۆمان (لە نێویاندا ماف، کارمەند، سامان یان بەرهەمەکانمان)، بەکارهێنەرەکانمان یان ئەوانی دیکە بپارێزیان، لە نێویاندا وەک بەشێک لە لێکۆڵینەوە یان لێپرسین و دادخوازیی ڕێکخەرانە یان ناکۆکییەکانی دیکە. |
|
ڕەزامەندیی تۆ
ئێمە زانیارییەکان پێواژۆ دەکەین بۆ ئەو مەبەستانەی لە خوارەوە باس کراون کاتێک تۆ ڕەزامەندیی خۆتت پێ داوین. هاوپۆلەکانی ئەو زانیارییانەی بەکار دەهێنرێن و ئەوەی کە بۆچی و چۆن پێواژۆ دەکرێن لە خوارەوە خراونەتە ڕوو:
ئێمە زانیارییەکان پێواژۆ دەکەین بۆ ئەو مەبەستانەی لە خوارەوە باس کراون کاتێک تۆ ڕەزامەندیی خۆتت پێ داوین. هاوپۆلەکانی ئەو زانیارییانەی بەکار دەهێنرێن و ئەوەی کە بۆچی و چۆن پێواژۆ دەکرێن لە خوارەوە خراونەتە ڕوو:
| بۆچی و چۆن کار بە زانیارییەکانت دەکەین | هاوپۆلەکانی زانیارییە بەکارهێنراوەکان |
|---|---|
بۆ ناردنی پەیوەندیکردنە بازاڕگەرییەکان بۆ تۆ (کاتێک لەسەر بنەمای ڕەزامەندیی خۆتە)، کە تێیدا ئێمە زانیارییەکانت پێواژۆ دەکەین لەسەر بنەمای ڕەزامەندیی خۆت، تۆ مافی ئەوەت هەیە کە لە هەر کاتێکدا ڕەزامەندیی خۆت بکێشێنیتەوە بەبێ کارکردنە سەر یاساییبوونی پڕۆسێسکردن لەسەر بنەمای ئەو ڕەزامەندییە بەرلەوەی ڕەزامەندییەکە بکێشرێتەوە لە ڕێگەی پەیوەندیکردن پێمانەوە بە بەکارهێنانی ئەوە زانیارییانەی پەیوەندیکردن کە لە خوارەوە خراونەتە ڕوو. دەتوانیت لە هەر کاتێکدا بەشداریکردن لە ئیمەیڵەکانی پەیوەندیکردنە بازاڕگەرییەکان بوەستێنیت بە کرتەکردن لەسەر بەستەری «بەشدارینەکردن» کە لە خوارەوەی هەر ئیمەیڵێکدا هەیە. |
|
پابەندبوون بە پابەندییەکی یاساییەوە
ئێمە زانیارییەکان پێواژۆ دەکەین بۆ پابەندبوون بە پابەندییەکی یاساییەوە لە نێویاندا، بۆ نموونە، دەستپێگەیشتن، پاراستن یان ئاشکراکردنی زانیاریی دیاریکراو کاتێک داوایەکی یاسایی ڕەوا لە ئارادایە.
ئێمە زانیارییەکان پێواژۆ دەکەین بۆ پابەندبوون بە پابەندییەکی یاساییەوە لە نێویاندا، بۆ نموونە، دەستپێگەیشتن، پاراستن یان ئاشکراکردنی زانیاریی دیاریکراو کاتێک داوایەکی یاسایی ڕەوا لە ئارادایە.
| بۆچی و چۆن کار بە زانیارییەکانت دەکەین | هاوپۆلەکانی زانیارییە بەکارهێنراوەکان |
|---|---|
| بۆ پڕۆسێسکردنی زانیارییەکان کاتێک پابەند دەبین بە پابەندییەکی یاساییەوە لەوانە، بۆ نموونە، بۆ دەستگەیشتن، هەڵگرتن یان ئاشکراکردنی زانیاریی دیاریکراو ئەگەر داوایەکی یاسایی ڕەوا هەبێت لەلایەن ڕێکخەر، سەپێنەری یاسا یان لایەنی دیکەوە. بۆ نموونە، فەرمانێکی گەڕان یان داواکاریی دروستکردن لەلایەن سەپێنەری یاسای ئێرلەندییەوە بۆ دابینکردنی زانیاری پەیوەست بە لێکۆڵینەوەیەکەوە، بۆ نموونە ناونیشانی IPی تۆ. |
|
پاراستنی بەرژەوەندییە ژیانییەکانی تۆ یان هیی کەسێکی تر
ئێمە زانیارییەکان پێواژۆ دەکەین کاتێک بەرژەوەندییە ژیانییەکانی کەسێک پێویستی بە پاراستنە.
ئێمە زانیارییەکان پێواژۆ دەکەین کاتێک بەرژەوەندییە ژیانییەکانی کەسێک پێویستی بە پاراستنە.
| بۆچی و چۆن کار بە زانیارییەکانت دەکەین | هاوپۆلەکانی زانیارییە بەکارهێنراوەکان |
|---|---|
| ئێمە زانیارییەکان لەگەڵ سەپێنەرانی یاسا و ئەوانی دیکەدا هاوبەش دەکەین، لەو بارودۆخانەدا کە بەرژەوەندییە ژیانییەکانی کەسێک پێویستی بە پاراستنە، بۆ نموونە لە حاڵەتی باری لەناکاودا. ئەم بەرژەوەندییە ژیانیانە پاراستنی ژیان، تەندروستیی جەستەیی یان دەروونی، باشبژێوی یان تەواوێتی تۆ یان کەسێکی دیکە دەگرێتەوە. |
|
9. نوێکردنەوەکانی سیاسەتی تایبەتمەندێتی
دەکرێت ئێمە ناوەناوە سیاسەتی تایبەتمەندێتیمان نوێ یان هەموار بکەینەوە. ئێمە سیاسەتی تایبەتمەندێتیی نوێ پۆست دەکەین، ڕێکەوتی «دوایین دەستکاریکردن» نوێ دەکەینەوە و هەر هەنگاوێکی دیکەی داواکراو لەلایەن یاسای بەرکارەوە دەگرینە بەر. تکایە ماوە ماوە پێداچوونەوە بە سیاسەتی تایبەتمەندێتیماندا بکە.
10. کێ بەرپرسیارە لە زانیارییەکانت
دەکرێت ئێمە ناوەناوە سیاسەتی تایبەتمەندێتیمان نوێ یان هەموار بکەینەوە. ئێمە سیاسەتی تایبەتمەندێتیی نوێ پۆست دەکەین، ڕێکەوتی «دوایین دەستکاریکردن» نوێ دەکەینەوە و هەر هەنگاوێکی دیکەی داواکراو لەلایەن یاسای بەرکارەوە دەگرینە بەر. تکایە ماوە ماوە پێداچوونەوە بە سیاسەتی تایبەتمەندێتیماندا بکە.
ئەگەر تۆ لە وڵات یان هەرێمێکدا لە ناو «ناوچەی ئەورووپا»دا دەژیت (کە وڵاتانی ناو یەکێتی ئەورووپا و ئەوانی دیکە دەگرێتەوە: ئەندۆرا، نەمسا، ئازۆریس، بەلجیکا، بولگاریا، دوورگەکانی کەناری، دوورگەکانی کەناڵ، کرواتیا، کۆماری چیک، دانیمارک، ئیستۆنیا، فینلەندا، فەڕەنسام گویانای فەڕەنسی، ئەڵمانیا، جەبەلتاریق، یۆنان، گوادلوپ، هەنگاریا، ئایسلەندا، ئیرلەندا، دوورگەی ئایڵ ئۆف مان، ئیتاڵیا، لاتیڤیا، لیکتنشتاین، لیتوانیا، لۆکسمبۆرگ، مادێریا، ماڵتا، مارتین، مایووت، مۆناکۆ، هۆڵەندا، نەرویج، پۆڵەندا، پرتوگال، کۆماری قوبرس، ڕیونیۆن، ڕۆمانیا، سان مارینۆ، سەینت مارتن، سلۆڤاکیا، سلۆڤینیا، ئیسپانیا، سوید، سویسرا، شانشینی یەکگرتوو، بنکە خاوەن سەروەرییەکانی شانشینی یەکگرتوو لە قوبرس (ئەکرۆتیری و دێکێلیا)، هەروەها شاری ڤاتیکان) یان بە پێچەوانەوە لە دەرەوەی ویلایەتە یەکگرتووەکان یان کەنەدا دەژیت، ئەوا ئەو کۆنتڕۆڵکاری داتایەی بەرپرسە لە زانیارییەکانت بریتییە لە پلاتفۆڕمەکانی Metaی ئێرلەندای سنووردار.
ئەگەر لە ویلایەتە یەکگرتووەکان یان کەنەدا دەژین ئەوا ئەو لایەنەی بەرپرسە لە زانیارییەکانت بریتییە لە کۆمپانیای پلاتفۆڕمەکانی Meta.
11. پەیوەندیمان پێوە بکە
ئەگەر هەر پرسیارێکت دەربارەی ئەم سیاسەتی تایبەتمەندێتییە هەبوو، یاخود پرسیار، سکاڵا یان داواكاریت هەبوو پەیوەست بە زانیارییە کەسییەکانت و سیاسەتەکانی تایبەتمەندێتی و کردارەکانمان، دەتوانیت پەیوەندیمان پێوە بکەیت. دەتوانیت لە ڕێگەی ئیمەیڵەوە پەیوەندیمان پێوە بکەیت بە workplace.team@fb.com یان لە ڕێگەی پۆستەوە لە:
ویلایەتە یەکگرتووەکان & کەنەدا:
Meta Platforms, Inc.
ATTN: ئۆپەراسیۆنەکانی تایبەتمەندێتی
1601 Willow Road
Menlo Park, CA 94025
بەشەکەی دیکەی جیهان (بە ناوچەی ئەورووپیشەوە):
پلاتفۆڕمەکانی Metaـی ئێرلەندای سنووردار
شەقامی مێریۆن
دوبلن 4
D04 X2K5
ئێرلەندا
لێپرسراوی پاراستنی داتا بۆ پلاتفۆڕمەکانی Metaی ئێرلەندای سنووردار دەکرێت لێرەوە پەیوەندیی پێوە بکرێت.
